Ñuncia de la Mocedá Llïonesa

El cabeiru correyu que chegóu ayeri a la Xana foi el que dimpues vos copiu. Anque la Xana ya nun tá (pur años) ente la Mocedá, dende eiquí quier apoyar la concentración. la Xana quier agradeceivos a tola mocedá la vuesa implicación na llucha polos nuesos dreichos y la nuesa identidá purque'l futuru la nuesa tierra ye'l futuru la nuesa mocedá. Tamién quieru recordaivos la manifestación del Sábadu Santu en Cistierna (nueva del Sábadu, Marzu y, 24). Nun faltedes.

En nome de tola MOCEDÁ LLÏONESA (y non en nome de dengún partíu políticu) vos convocamos a toos a una CONCENTRACIÓN na PLAZA la XUNTA'L VIENRES 30 d'esti mes (que yá nun hai clas) a las 12 del mediodía; pa protestar escontra ésta a la que dalgunos s'aferran en chamare la "NUESA" AUTONOMÍA (?), que l'únicu que faz ye:

• robanos lu poucu que nos queda, faciendu asina que ná más finare los estudios tengamos que marchare de Llión a la geta d'un trabayu "decente";
• que nin siquiera quier reconocere la nuesa llïngua;
• que se pasa los dias intentando ocultare ca vez más la nuesa identidá; y
• que pa una cousa na que nos faz casu (la estación d'ski S.Glorio) yá tán intentando meternosla pur detrás....

Pur tóu éstu, y purque yía'l nuesu futuru'l que ta en xuegu, asperamos cuntare cun toos vosoutros purque, cumu dixu ciertu escritor llïonés faz yá 22 años, "LA BATALLA NO HA COMENZADO TODAVÍA".