Ya tamos na primaveira anque entoavía fai friu polas mañanas y las nueites. Guei entamouse un congresu sobre'l llïonés na Universidade de Llión. Nun esperaba grandes cousas peru foi prestosu cuando falaron del "dialeutu" castiellanu. Claru qu'esu nun apaicerá nos diarios. En cualisquier casu, pescancié que las cousas tan mudando. Fai tres añus, nel Congresu sobre las llinguas romances nel Reinu de Llión solu falaban del llïonés los pertueses y los xermanos. Guei faló asgaya del llïonés el Dr. Morala.
Paiciome curiosu que falaran de falas y dialeutos tol tiempu y dixeran que'l llïonés nun evolucionó purque nun normativizouse. ¿Cuando normativizouse'l euskera? nun fai 40 añus, entoncias ¿onde tá el problema pal llïonés?
¡LLINGUA LLÏONESA NAS ESCUELAS YA!
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
No hay comentarios:
Publicar un comentario