LA NUESA TIERRA

Poema de Roberto González-Quevedo, estrayíu de la sua Antoloxía Poética "Pan d’amore"

Amirái cómo quedóu
La nuesa tierra.
Choramos la derrota.
Anque cain los faloupos de siempres,
Anque vien la nieve como siempres,
Choramos la derrota.
Murniu yia’l nuesu futuru
Ya las curuxas
Al.luman los sendeiros de la muerte.
¿Hai esperanza?
Peme que non,
Matóunos un enxame
D’harmanos traidores.
Peru, ¡ai!,
Tampouco pa el.los
Queda yá la esperanza.
Anque torne l’iviernu,
Anque torne la nieve
Dengún faloupu anubrirá
La traición d’un harmanu.
Cadol.la de tristura,
Cadol.la de muerte,
Si dalguén traiciona al sou harmanu
Yía también un traidor a sí mesmu