Bon Cabudannu, mia fiya!!!

Guei ye'l Cabudannu la mía fiya y cumu piquennu homenax a las suas nidias idegas sobru esta auto-no-mía que sufrimos los llïoneses, vos deixu una semeyina que fizu va dalgu más de seyes annos, cuandu yera una cría de dolce. Asperu que vos preste!

Nel dibuxu apaecen l'erizu Ordonno (Llión) cuna bandeira'l País Llïones y glayandu "Viva Llión" y la mostolilla Juana (Castiella), presonaxes d'un comic feichu pula Fundación Villalar cuna malsana idega d'adoutrinare los más piquennos (fou repartíu pulos colexos pa los alunos de Sestu Primaria) nel mitu castiellán (Llión rebelde y malu queriendu separtase, Castiella heróica y siempres dimpuesta a almitinos cuna sua xenerosidá) cuandu la rialidá ye que nos tiempos que tábamos xunidos, los rebeldes, traidores y separtistas yeran los castiellanos, dimpuestos siempres a facere allianzas cunos inimigos del Reinu Llïones. Llueu dirán falandu de las manipulaciones que, sigún eillos, facen los nacionaliegos catalanes y vascos cuandu, ensín dulbia dala, son mueitu minores que las feichas nesta anticomunidá cul agravante, a más d'eillu, que las terxiversaciones que puean dase n'outras comunidaes son escontra las comunidaes vicinas mientas qu'eiquí, las terxiversaciones, mentiras y manipulaciones tán feichas escontra una las dúas partes d'esta comunidá birrexonal.

Tá nidiu que poucu, más bien nada, podemos asperare d'una Fundación que face'l sou llabor cul dineiru que recibe de los nuesos impuestos (alreor de millón y meyu d'euros tolos años) ensín dare cuenta denguna purque ye "privada" y que sigún propia confesión, nun tien obligación de dicire la verdá purque nun ye un meyu comunicación.

Una fundación que sigún l'Artículu 5º los sous Estatutos tien pur finxu xeneral fundacional "acrecentare'l sentimientu pertenencia de los castiellanos y llïoneses a una comunidá cun identidá propia nel marcu'l sou Estatutu d'Autonomía, estendere pur tol territoriu la mesma esi sentimientu y fomentare, promovere y rializare tou tipu autividaes dirixidas a que la localidá de Villalar los Comuneros apaeza cumu depositaria de los símbolos hestóricos y tradiciones de la Comunidá de Castiella y Llión". (Torna del castiellán qu'apaez na lligazón darreu: http://www.fundacionvillalar.es/fundacion_d.shtml?idboletin=811&idseccion=3926) y na que la semeya nun pue sere más illustrativa. Anque tamos nuna comunidá birrexonal que tien una bandeira cuartelada, la semeya qu'apaez na páxina amuesa solu castiellos purque tá tan bien feicha que los llïones, pesia tare, nun se gueyan. ¡Que casualidá! ¿nun vos paez?

¡¡¡Ay, Llión, Llión, probe de tí y probes los llïoneses, tan lluenxe de Dios y tan cerca de Pucela!!!

De tolas maneiras, la reaición la mía fiya al cómic ye la miyor demostración que los nuesos fiyos tien de dire deprendios de casa, purque si deixamos que les llaven el celebru, nunos annos alcontraremos qu'en vuelta de sere llïoneses cumu los sous pais y guelos sedrán castiellanos y esu tá en nosoutros evitalu.