Llión, Ciudá de Selmana Santa

Casi, casi pué golese la Selmana Santa qu'esti annu vien tarde dafeichu, asperemos que'l tiempu seya tan bonu cumu'l que tamos teniendu y nun tenga de suspendese dengún desfile procesional.

P'abrire bouca deixuvos el vídiu de la Cámara Comerciu de Llión pa promocionare la Selmana Santa de la nuesa ciudá:



Tamién vos deixu outru vídiu, feichu pur drjarrecha qu'alcontréi en YouTube y que se titula: "Descubri la Selmana Santa de Llión":



Asina mesmu vos deixu la lligazón de "León da Gusto" onde alcontraréis una bona receta de "Bacalau al Ayu Arrieru" típicu de la nuesa tierra nestas datas:

http://www.leondagustoblog.com/el-cid-guzman-el-bueno-y-el-bacalao-al-ajo-arriero/

Y pa finare vos pidu a tolos collacios çamoranos, salamanquinos y del restu la provincia Llión, si tenedes lligazones a vídios d'outras Selmanas Santas del País Llïones y queredes unviámelos, taría encantada d'espublizalos. Nun podemos esqueicere que las tres capitales del nuesu país tienen la reconocencia d'Interés Turísticu Internacional pa las suas respeutivas Selmanas Santas peru a más d'eillu hai outras mueitas Selmanas Santas nas nuesas ciudades y pueblos qu'ensín esa reconocencia son mui prestosas y dinas de conocese.