Esti annu, sigún nuevas de l'Asociación de Pendones, había más de 180 pendones ya pendonetas d'outros tantos pueblus de la provincia Llión peru, cumu n'outras vueltas, nun taba'l Pendón de Villacé, el pueblu la mía mai, la mía guela, el mieu bisaguelu, ecétera, ecétera, ata los bisaguelos la mía tataraguela y nun puedu sigire más purque tolos llibros de Villace d'enantias 1811 asturáronse cuandu los gabachos quemoron el pueblu en Xullu y 1812.)
Peru tornemos al sucu que m'esnorté, cumu'l Pendón de Villacé nun sale del pueblu, eiquí vos deixu una semeya pa que lu conozáis ¿a que ye guapu?
Y camudandu un pouquín la tema, guei el tiempu amosféricu respetóu los romeros, peru'l pasáu domingu, Outubre y 3 (cabudannu'l día que la Xana entamóu dir a clas cuandu yera nuevina) tuvu metíu en chuvias y vientos peru pesia ellu, la Xana y mueita outra xente saliorun cunos traxes tradicionales del Reinu festexare'l santu.
Eiquí vos deixu tres semeyas de mieu, la primeira fízula Ana y las outras dúas fízulas Flory ¿verdá que son dúas artistas? Gracias asgaya a dambas.
Solu tengu d'annedire que vou cul trax de la montanna oucidental llïonesa y que tantu la ropa cumu las ayalgas son de la coleición de Javier Emperador.
1 comentario:
Buenas tardes Alicia.
No se si estuviste en Santiago con los pendones.
Por si te interesa te adjunto un enlace sobre este evento.
http://lopezgarciafroilan.blogspot.com/2010/10/pendones-peregrinos.html
Recibe un cordial saludo.
PD: Por cierto me gusta el traje que aportas en la fotografía.
Publicar un comentario