miércoles, mayo 23, 2007

"Finde" mui ocupáu

Fai mueitos dias que nun escribu un res, ya sabédes falta tiempu peru... eiquí tou outra vegada pa daivos la turra, jajaja.

El pasáu vienres la Xana tuvu nel auditoriu, nel homenax a la llucha llïonesa, préstome asgaya polos lluchadores, tantu los autivos cumu las vieyas glorias, pulos cantares de La Braña, pulas bandeiras que ficimos ondeare a los sones de los himnos a la llucha y a Llión y pulas cousas que dixeronse nel homenax subre la nuesa identidá.

El sábadu ficionun dende'l MUSAC el "A VIVIR QUE SON DOS DÍAS" de la SER. Falonun poucu de Llión y asgaya d'Euskadi y los contertulios "llïoneses" (un d'eillos yera Sosa Wagner) falonun de l'UPL comu'n "nacionalismo uniprovincial y victimista". Dimpués nun séi quien dixu que tolos nacionaliegos yeran asina. Angels Barceló dixu que si daquien quería esplicare los oxeutivos de l'UPL podía facelu y sigieron falandu d'outras cousas.

La Xana (que taba eillí) tuvo tranquilina un ratín peru, nun momentu dáu, alzóu la manu y pidióu la pallabra. Nun tuvu tol tiempu que quisu peru falóu del llïonesismu social, del respetu pa la nuesa llingua, la nuesa cultura y la nuesa identidá, de tola manipulación hestórica que faz la Junta de Castilla (con la collaboración de mueitos políticos llïoneses), de la importancia del Reinu de Llión pa la democracia autual y nun solu pa la hestoria d'Hespaña sinon pa la hestoria d'Europa. Y dixu que nel llïonesismu social hai presonas de tolas ideyas políticas, qu'es un movimientu popular onde tien cabía tolas ideyas y que ca día ye más desixente. Y falóu pa toa Hespaña, que yera lu más importante y, cumu'l tiempu finóu, ensin naide que dixera un res escontra los sous argumentos.

El domingu, la Xana tuvo en Pandoráu, nel conceyu de Riellu, sofitandu la llucha de l'Asociación Campodios escontra la especulación urbanística del Alcalde y Diputáu provincial del PP que quiere costruire 174 chalés nun pueblu de 15 habitantes, ensin priocupase de tolos servicios necesarios pa facer una cousa comu esa. Nun yéramos muitos peru la Xana quedóu mui contenta purquéi cuasi tol mundiu yera mui nuevu y esu ye lo más prencipal. La mocedá ye'l futuru la nuesa tierra y ta nidiu que dimpués de tanta manipulación cona nuesa hestoria y tantu dineiru usáu pa creare una "identidad castellano-leonesa", la nuesa mocedá sige siendu solu LLÏONESA.
Esta ye una amuesa del cabeiru fin de selmana de la Xana, como podédes imaxinare, finéi cansadina peru... con mueitas esperanzas pal prósimu fin de selmana, jejeje.

No hay comentarios: