Guei la Xana tá que bufa, el mesmu xueves, nos "Disayunos na gueb" d'El Mundo-La Crónica, el "psociolisto" Ánxel Villalba, díxunos, una nueva vegada, qu'esta "AUTONOSUYA" ye una mui bona cousa pa nos y qu'el solu problema ye'l gobiernu la Xunta porque'l PP fácelu too mui mal.
Ye nidiu pala Xana que'l PP nun yé llïonés y que los sous diputaos sonlu en Llión, Zamora y Salamanca peru nun son llïoneses, zamoranos nin salamanquinos cuandu nos deixan ensin denguna defensa y votan escontra los nuesos dreichos nas Cortes del "Esti" y Llión solu pa congraciase conos sous amos de Pucela. Peru nun yé menos nidiu qu'esautamente lu mesmu pasa conos diputaos del PSOE.
Por si dalgunu entavia tien dubias subre las vraeiras idegas del PSOE, la Xana vien de gueyare una nueva qu'amuesa nidiamente onde van llevanos los "planes del Oeste" preparaos polos "psociolistos".
La lligazón pal artículu completo ye: http://www.lavozdesalamanca.com/article1276.html
Foi un goviernu psocialista el que dexounos ensin tren "Via de la Plata" y guei, outro goviernu psocialista va quitanos el tren Fuentes de Oñoro-Irún. Nestos dos esemplos nun ye'l partiu que govierna la Xunta del "Esti" y Llión quien lexisla escontra los dreichos de los llïoneses. Y si nel casu la "Via la Plata" el Presidente yera andaluz, guei el Presidente dizse llïonés.
Vraeiramente con collacios como'l Zapateru nun temos necesidá denguna d'enemigos. ¿Sedrá la sua nacencia pucelana lu que tá nel orixen de too estu?
.
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
No hay comentarios:
Publicar un comentario