L'esvotu de Pedro González Xabares de Villazé - Museyu Enugráficu de Llión

Ayeri, sábadu, Noviembre y 17, a las 17,30 houras, la Xana apresentóu nel Museyu Enugráficu Provincial de Llión "La Pieza'l Mes", qu'esta vuelta taba dedicada a un esvotu que, procedente de la ermita'l Santísimu Cristu de Villazé, s'alcuentra na seición de Relixosidá Popular del citáu Museyu.

Partiendu d'esta pieza (de la que'l Museyu desconnecía la hestoria) y cuna conocencia tresmitía na familia sobru la hestoria de Pedro González y la hestoria'l sou millagru, pudimos refacere dalgunos feichos la sua vida y miyorare la conocencia una parte la hestoria'l pueblu de Villazé durante "la francesada", cumu siempres se chamóu la Gerra la Indendependencia nos nuesos pueblos.

Quieru agradecere'l sofitu de Javier Lagartos (teunicu superior y direutor en funciones del Museyu), Deli (gía del MEPL) ya'l restu presonal y sobru tou la presencia de tolos asistentes asina cumu las semeyas de los mieos collacios Ana Belén Blanco y Alfredo Escalada.

La nueva nos meyos:

http://etnoleon.blogspot.com/2018/11/pieza-del-mes-de-noviembre-el-exvoto-de.html

https://www.leonoticias.com/culturas/exposiciones/pieza-museo-etnografico-20181116145702-nt.html

https://www.ileon.com/cultura/091667/el-exvoto-de-pedro-gonzalez-de-villace-en-el-museo-etnografico-provincial-de-leon

http://www.diariodeleon.es/noticias/provincia/exvoto-pedro-pieza-mes-museo-etnografico_1293053.html