En Marzu y 11, 2017, enantias del congresu del PP autonómicu (NON rexonal cumu insisten en chamalu pesia qu'esta seya la única autonomía cun una "Y" nel sou nome, lu que deixa bien nidiu que n'eilla alcontramos duas identidaes desemeyadas) que'l dixital www.noticiascyl.com, deixávanos el titular darréu:
El poder en el PP enfila hacia el Reino de León
Y, pur si nun quedara bien nidiu de quéi taban falandu al dicire "Reino de León", nel primer párrafu l'artículu escriben testualmente:
"El peso del poder en el PP regional deja las montañas de Burgos, la Castilla gentil en que amaneció el castellano, y, al cabo de quince años, parece enfilar hacia el Reino de León, o sea, Antonio Silván (León), Fernando Martínez-Maíllo (Zamora) y Alfonso Fernández Mañueco (Salamanca)."
Y chegaos a esti puntu, entrúgase la Xana ¿cúmu ye posible qu'establezan esa desemeyanza ente Castiella (lu de xentil, nun deixa de sere outru inventu de van 10 minutos) ya'l Reinu de Llión? Peru ¿nun teníamos quedáu qu'estu ye "una gran Rexón" qu'esiste dendi, a lu menos, Atapuerca? ¿Sedrá quiciabesmente que, cumu mueitos de nosoutros llevamos annos y annos diciendu, mienten y manipulan y saben que lu facen!!! Y si daquién tenía la mínima dulbia, ési párrafu ye l'amuesa d'eillu.
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
No hay comentarios:
Publicar un comentario