De "La Braña: Canción Tradicional Leonesa". Vol. 3.
La cuitada la mia madre,
madre del mieu corazón
piensa que tou na mia cama,
y tou enu filandón.
Pur ñacere filandeira
nun me repares, galán,
que sou bona filandoura
y nun paru de filar
CUNA MIA ROUCA,
CUNEL MIEU FUSU,
DOUYE AL GADIELLU
P'AMADEYAR,
Y UN PARDU FINU
DE LLANA Y LLINU
CUN MIL AMORES
FADRÉI N'EL TELAR.
Nun ye contare a mia madre
que viniera'l filandón,
que pensara la cuitada
que perdiera la razón.
El mieu sentiu, comadre
nun se perdiera'l filar,
perdierase pur andare
de amores cun mieu galán.
CUNA MÍA ROUCA...
Ay, filandón,
eiquí vengu a filar y a cantar
al pie del mieu galán.
Afayaivos nel Llagu la Xana, un piquennu requeixu de llibertá nel País Llïonés, onde podedes unviare los vuesos escritos na llingua de nuesu, la llingua llïonesa, primeira cun un testu escritu na península. Tamién alcontraréis eiquí testos n'outras llinguas minorizadas y nuevas sobru eillas. La Xana creye que chegare a pescanciar outras llinguas paga la pena de facere l'esfuerciu d'a lu menos lleelas.
No hay comentarios:
Publicar un comentario