INSULTOS.... ¡¡¡NON, GRACIAS!!!

Nesti mesmu istante la Xana fina de moderar un comentariu despeutivu y con insultos. Ye pur esu que quier dexare un mensax a las ¿presonas? que nun tien outras razones que'l insultu.

Enxamás la Xana espublizará mensaxes que nun amuesen respetu pulas idegas axenas.
Caún pue tare d'alcuerdu ou non conas idegas de la Xana y pue facere los comentarios que creiga precisos peru solu s'espublizaran aqueillos que, mesmu dende idegas desemeyadas, amuesen respetu pul País Llionés y los sous habitantes, la sua llingua, la sua cultura y la sua identidá.

¡¡¡PUXA'L PAIS LLÏONÉS!!!
¡¡¡OFICIALIDÁ PA LA NUESA LLINGUA!!!
¡¡¡RESPETU PA LA CULTURA Y LA IDENTIDÁ LLÏONESAS!!!

Chega'l 2008, comu tóu a Llión... con retrasu

Cumu tolas cousas, nestos cabeiros 25 años, chegan a Llión con retrasu, el Coleutivu "Ciudadanos del Reinu de Llión" entamóu l'añu pasáu la cellebración del añu nuevo con retrasu.

Esti añu, la Xunta Xestora del citáu Coleutivu unvianos, outra vegada, la nueva que va celebralu guei, vienres, Xineiru y 4, a las 21,00 houras na Plaza de Botines.

Tamién, lu mesmu que'l añu pasáu, los socios del coleutivu y tolos llïoneses qu'ensin selu tarán nesta gayoleira celebración, tomarán solu 3 uvas, una pur cauna de las tres provincias llïonesas de Salamanca, Zamora y Llión, purque tan ciertos que las outras nueve perdionunse nas seyes provincias castiellanas, nel Parque Boecillo, nel nuevu palaciu Las Cortes y na sede de la Junta (cuasi siguro que la birlóu el "desinteresáu y xenerosu" Villanueva)

Gracias fondeiras

Dende'l fondu'l mieu coral, gracias fondeiras a l@s 8.774 collaci@s que visitonun el mieu llagu nel pasáu añu 2007, diendu de 487 nel mes de Sayagu ata los 1.175 nel mes d'Avril (pur falare solu de los meses con menos y más visitantes) ensin olvidame de los cuasi 1.000 nel mes de SaMartinu u los cuasi 900 nel pasáu mes d'Avientu.

Esperu y deseyu que to@s vosoutr@s seguiredes visitandu'l mieu llagu esti nuevu añu qu'entamamos guei y qu'outros collacios s'unirán a nosoutros pa sigire falandu de la más guapa tierra del mundu (pulu menos pa la Xana, jejeje) na nuesa llingua y en outras llinguas minorizadas peru col mesmu valor que'l restu llinguas.

Beisines a to@s y.... ¡¡¡PRESTOSU 2008 CON SALÚ, AUTONOMÍA Y OFICIALIDÁ PA LA LLINGUA DE NUESU!!!