RIAÑO VIVE... LA LLUCHA SIGE!!!

Entá l´airón arrastra las fueyas
y mez la yerba de la pradeira.
Entá sige azul, l´azul del cielu
y lo indestruyible nun se puede destruyir.

Entá matan y golpean unos
y outros aman y resisten.

Peru siempres vence
la sonrisa a la orde,
el baille al desfile,
el corazón abiertua la razón d´Estáu,
la manu llimpia
a la manu armada,
el trabayu llibre
al trabayu esclavu.

Porque vencere ye ser llibre,
llibre comu´l vientu.
Vencer ye amar y lluchar;
el restu, recovecos de lu que son:
dineiru y hormigón.

¡EILLOS SON DINEIRU Y HORMIGÓN!
Solombra de la primaveira, lladrones del sol,
la lluna y el vientu, destrutores de la vitoria
que glaya silenciu.

Ramiru Pinto Cañón

Hestorias d'una pepona

Bonas a tol mundiu. Tamos en branu y anque'l tiempu nun ye vraeiramente braniegu, nótase nas poucas nuevas qu'hai en tolos blogs nestos tiempos. Lu mesmu que nos periódicos, arradiu y televisión. Peru de tantu en tantu daquien escribe su "articulín" con fortuna diversa.

La Xana, dimpues de pasare vacancias nel sur del País, ye dicire'n Salamanca, alcontróuse dalguna nuevas que le ficieron cavilare. Pur eillu guei va falaivos de ¡¡¡moñecas.!!!

Fai alreol 50 años, taba chegando'l fin de las "Maricris". Yeran "peponas", moñecas de cartón pintau, que taban en tolas xugueterías peru comu vos digu, el sou fin taba prósimu purque'l "progresu hespañol" nos años 50/60, fizu que s'emplegasen outros materiales miyores y los "Reis Magos" entamaron a mercare muñecas de "Gama" y "Famosa" deixando las peponas "Maricris" nel olvidu.

Peru, nestos cabeiros tiempos, atoupei una "Maricris" que "solu mira'l futuru", que nun-y prestan las nuesas cellebraciones ni la nuesa llingua, que fala ensin sabere lu que diz y que ye "la voz del sou amu" pa falare d'intres que nun conosce y pa "dainos lluz" a los probes llïoneses inorantes purque nun tamos d'alcuerdu cun eilla, tan "universal" que nun ye capaz d'entendenos tan "provincianos" cumu somos... (De xuru qu'eilla nun entruga a naide ¿sedrá pur eillu que dalguna vegadas las suas nuevas nun tien na que vere cona rialidá los feichos?)

Lu que nun sou a pescanciare ye cumu daquien tan "superior intelleutualmente" pué tare eiquí, trabayandu nuna ciudá cumu la nuesa, nun mui grande y, por cima de tóu ensin hestoria denguna y chena de pailanes... Ou ¿sedrá quiciabes que ni somos tan pailanes nosoutros ni eilla ye tan "perfeuta"?

Ufffffffff, ye abegosu sere tan "supermegaguay" (xurutelu pur Snoopy Maricris) y soportare tantu provincianu o, miyor entavía, tantu "cavernario" cumu chamóunos, fai un añu, el "Juanvi"

¡Ai Maricrís, Maricrís, que nel momentu mesmu que rascamos la pintura nos alcontramos col cartón de la pepona! ¡Doite un conseyu de collacia, cuidadín cona "mala baba" que ye mui mala pal cartón!

Eva González

Cumu toos sabedes fai poucu más d'un mes que morrióu la escritora'n llingua llïonesa Eva González y cumu sentíu homenax fina d'espublizase el llibru "POESÍAS YA CUENTOS NA NUESA TSINGUA" que podedes mercare nas llibrerias llïonesas.

El mieu collaciu Roberto González-Quevedo, fiyu d'Eva y tamién escritor na nuesa llingua mandóume un correyu cona información que'l prósimu domingu, Agostu y 12, a las 18,00 houras, va inaugurase nel "Centro de Interpretación de Palacios del Sil" un Aula dedicada a Eva González y dimpués va amosase'l llibru que recueye fasimilarmente tolos llibros de la serie NA NUESA TSINGUA.

Animaivos a dire a Palacios el prósimu domingu y subre tóu a lleere'l llibru. Regalaivos.

Lligazones películas llïonesas

El collaciu "elialalric" tuvo problemas conas lligazones que vos daba na nueva anterior y pásame estas outras. Cuidu qu'ente unas y outras podédes baixaros las películas. Que vos presten.

El Filandon: ed2k://fileEl.Filandon(Chema.Sarmiento).[DVDRIP.xvid.ac3].by.Renobero.avi11749519366EAA52DA2CFAAD994354498F944D3B5C/

Wolfram: ed2k://fileWolfram!.(Chema.Sarmiento).[DVDRIP.xvid.ac3].by.Renobero.avi782497792A51BD2758F9B9AEC74FDF563656FD8CF/

Los Montes: ed2k://fileLos.Montes.(Chema.Sarmiento).[DVDRIP.xvid.VBRmp3].by.Renobero.avi3670118407792CEB3FC8CE6567C3B49A7D23CB5D5/

Películas llïonesas na rede

Bonas, un collaciu nomau "Reñoberu" deixóume las lligazones pa podere gueyar nel e-mule las tres películas de Chema Sarmiento: ¡Wolfram!, Los Montes y El Filandon.
¡Wolfram!:ed2k://fileWolfram!.(Chema.Sarmiento).[DVDRIP.xvid.ac3].by.Renobero.avi782497792A51BD2758F9B9AEC74FDF563656FD8CFh=
NKLCC3VXKSUXXGWNC5IAWQOULSTNSWRF/
Los Montes: ed2k://fileLos.Montes.(Chema.Sarmiento).[DVDRIP.xvid.VBRmp3].by.Renobero.avi3670118407792CEB3FC8CE6567C3B49A7D23CB5D5h=
AC42DN3T3OVQVEWIHOXOSBYAAUCOZICS/
El Filandon: ed2k://fileEl.Filandon(Chema.Sarmiento).[DVDRIP.xvid.ac3].by.Renobero.avi11749519366EAA52DA2CFAAD994354498F944D3B5Ch=
IHIG22BFNGOPDTBZPT7VEOJDL42RERZL/

Creigu que copiándu caúna las lligazones nun tengades problema dengunu.

¡Que vos preste!!!

Contestador en llïonés

Bonas a tol mundiu ¿comu tais pasandu'l branu? Cumu la Xana nun quier tare ensin facer un res tantu tiempu, vou deixaros una idega cenciella de prauticare:

Si tolos que pensamos que la llingua llïonesa tien que ser protexida, conoscida y prauticada tenemos el nuesu contestador en llïonés, tolos que nos chamen cuandu temos ausentes oyirán el nuesu mensax en llïonés y esu pué dales la idega de facere lu mesmu.

El mieu mensax ye'l darréu:

Bonas, sou... (eiquí'l vuesu nome). Nesti momentu nun puéu falare, deixa'l tu mensax dimpués d'oyire la siñal y chamarete lluéu. Gracias.

Animaivos y... falare'n llïonés nel buzón de voz.

Una cousina, daquien pué dicir que falades en galegu ou mesmu en catalán. Nun ye precisu aldericare subr'eillu. Ye llïonés y pué tenere pallabras similares a outras llinguas romances.