PAEZ QU'HAI MIEU...

¡Si nun lu gueyu nun lu creigu! ZP, Presidente'l goviernu hespañol, y sigún diz, llïonés, paezi que tien mieu de los sous paisanos.

Guei, na Plaza la Catedral, gueyabanse más policias que presonas ensin uniforme. Comu paice que los llïonesistas somos peligrosos abondu, nun nos deixaron tare delantre Sierra Pambley, deixaronnos na solanera xuntu al palaciu'l Bispu. Díxunos un policia que yeran las suas órdenes. Paice que nun sedría guapo que saliéramos nas semeyas pitandu a ZP.

Sigún ye normal nos cabeiros tiempos, l'horariu yera cuasi secretu asina que nun tábamos mueitos, peru la pitá fou sonora y nun sentimos pur denguna parte llïoneses qu'aclamaran a ZP, a Villalba o a Paco Raquetas ¿Onde taban toos los que van daiyes la mayoría nas prósimas eleiciones?

Tampouco gueyamos a naide qu'aplaudiera la Consejera Clemente (Juanvi nun apaeció pur parte denguna, ¡cáspita! ¿comu ye posible con "lo llïonés" qu'él se siente?)

¡Ah! outra cousina. Nos chevamos bandeiras llïonesas peru nun había bandeiras castiellanas. ou "castiellanas y llïonesas". (Pué que seya purquéi en cá a los "trapos a cuadros" son rodeas non bandeiras, h.e, h.e, h.e)

Pur casu, el nuesu estaribel na Plaza San Marcelo tuvo mueitu ésitu. Muchas robras pula autonomía llïonesa y llïoneses y turistas mercandu camisetinas. El sábadu, Agostu y 5, taremos nuevamente eillí con las nuesas bandeiras y las nuesas fueyas de robras.

¡AUTONOMÍA LLÏONESA YÁ!!!
¡OFICIALIDÁ PALA LLINGUA LLÏONESA!

¡ZP ESCUCHA LLIÓN TÁ NA LLUCHA!

Nunas poucas houras, ZP tará outra vez en Llión y nos vamos dir con las nuesas banderas llïonesas y la nuesa pancarta recibile comu él merece: con una sonora pitada.

¿Cómu ye posible que'l Presidente'l goviernu té tan gayoleiru con l'anteproyeutu d'Estatutu?

¿Cómu ye posible qu'entoavia dalgunas presonas creigan que'l Presi va facer dalguna cousa pola autonomía llïonesa?

¿Comu naide pué dicire qu'esti ye un buen estatutu pa Llión purquéi nel preámbulu fala de la nuesa hestoria, de la mesma hestoria que nun daprenden los nuesos fiyos na escuela?

¿Comu puen falare de "especial protección para la lengua leonesa" mientras falan de l'ensiño del gallego y del euskera na comunidá y los nuesos fiyos van sigire ensin posibilidá denguna d'estudiare la nuesa llingua na escuela?

Taremos na Plaza San Marcelo dende las 10h30 y tol que quiera sofitare la nuesa protesta tá invitáu acercase al nuesu grupu. Tamién podreis mercare las nuesas camisetas.

¡AUTONOMIA LLÏONESA YÁ!!!

El regresu a la autividá normal

Fai cuasi 15 dias que nun deixu dengún comentariu nel mieu blog. ¡Ah!!! las vacancias. Ye prestosu que dalgunos amigos nos visiten peru ye mui cansu.

Primeiramente hai que mercare y preparare'l yantar pa munchas más presonas y dimpues hai que facer el "cicerone".

Peru ye mui gratificante gueyar las espresiones las caras de los más nuevos cuando visitan llugares la nuesa tierra que nun conoscian.

Llueu, cuandu marchan, quedan por facer toas las cousas que deixamos por atendelos, llavare y deixare la cá en orden y to esu peru.... valió la pena tenelos én Llión y mostrales la rialidá autual la nuesa tierra y dales pegadiellas de ¡AUTONOMIA LEONESA YA! y ¡PAIS LLÏONÉS!

Tamién merconun camisetinas pa facenos propaganda nel Pais Vascu asin que ¿qué más podemos pidire?

El domingu en Prioru

El pasau domingu, Xuliu y 2, fuimos a Prioru, cellebrare'l antiguo "Día de las Comarcas Leonesas", guei mudau nel "Día de la Provincia".

Sigún dalgunas informaciones l'autu conas autoridaes yera a las 11,- y sígún d'outras yera a las 12,- houras. Por cima destu, la Cá'l Conceyu de Prioro tá na mitá'l pueblu peru en chegandu a Prioru, la xente diba encaminá pa la campa onde diban facese los aluches y la concentración los mastines y careas.

Asin qu'a las 11,- houras, alantre la Cá'l Conceyu, tábamos solu los que díbanos nel busi mientas los que díban pula súa cuenta taban na campa. En cualisquier casu, nosoutros chevamos la nuesa pancarta y las nuesas bandeiras, el Presidente la Diputación vinu saludanos, informóu que'l añu viniente la fiesta sedrá nel Bierzu (en Torenu), dímosye las gracias pul conveniu p'ampliare las clases de llïonés pal prósimu añu a siete nuevos pueblos na provincia y dímos a tolas autoridaes una sonora pitada.

Tamién, tantu a Garcia Prieto cumu a l'Alcalde Coyanza, dímosyes la nuesa pegadiella cul mapa'l Vieyu Reinu ya'l nuesu lema: AUTONOMÍA LLÏONESA ¡¡YA!! Dambus gueyaronla, dixeron "gracias" y fue pal bolsu. Lu que pensanun ye outra cousa peru nun tuvun arrancadeiras pa refugala. Hahaha.

Dimpués repartimos las nuesas pegadiellas que tuvun mui bona acoxida y vendimos las nuesas camisetinas. Mueita xente chevóu pula tarde pegadiellas y camisetas, mostrandu asina, el sou sofitu a la nuesa demanda d'autonomia.

El mieu Santu

Guei ye'l mieu santu, tou cellebrándulu, almitense cuelgas y outras fellicitaciones.

Beisines pa tolos collacios

¡Autonomia Llïonesa YÁ!!!

Guei ye'l primer sábadu de Xuliu y comu toos los primeiros sábados de mes, un grupu collacios llïoneses (y llïonesistas), manifestaronse ante'l Palaciu la Diputación pur demandare ¡AUTONOMIA LLÏONESA YÁ!!!

Al mesmu tiempo yera'l primer día que tolos llïoneses pudienon mercare las camisetas l'autonomía, peru los que nun fueron guei delantre Botines podran mercalas mañana en Prioru. Tamien puen pedilas por correyu lletrónicu a autonomialeonesa@gmail.com.

El Colleutivu "Ciudanos del Reinu de Llión" tará encantáu de recibir las vuesas demandas.